الجودة والسلامة
كلمات / محمد سفلي المقل
نحن عشان نواكب الدقـة
والصحة وتمامة العافي
لازم نلتزم بالوصفــة
الدايماً نتاجا خرافي
في المزروعة والمصنوعة
والمقطوعة طازة ودافي
والفوق الرفوف موضوعة
تبقى بلا شوائب صافي
نضمن اقتصاد في القمة
وانسان من مرض متعافي
*********
ويبقى شعارنا هو الاتقان
وتبقى حياتنا دون تزوير
قاضي وهيئتو التجويد
محكمة صاحي فيها ضمير
لا تفرز فلان ده غني
ولاتفرز فلان ده فقــير
وتبقى عدالة الإنسـان
واقع بيـن مدير وغفـير
ويصبح واقـع السـودان
أجمل وكلو خير في خير
*************
لا مضروب ولا مغشوش
سلعة تبوّر الجايينـا
لا في زعل ولا في رتوش
صحة تبين كمان في وشينا
ياللا .... نحارب المغشوش
الطول الزمــن مازينـا
وتبقى المواصفات حـوش
من سلـع الضـياع تأوينا
قصراً بالأمـان معروش
وتبقى من البـغش قاضينا
************
مالنا ومال حياة الهملة
والعيشة الضياع في ضياع
أكبادنا وكمان صحتنا
تصبح في إيدين طمـاع
لا وطنيتو يـوم تهديه
لايوم لي ضميرو إنصاع
ونحنا شنو الجنينا معاهو
غير خيراً فقدنا وضاع
وجينا مع بعض نتبـاكا
ومنو بكانا ... مافي نفاع
,,,,,,,,,
ليست هناك تعليقات:
إرسال تعليق