انشودة الجودة
للشاعر حاتم حسن الترابي
حقو الناس تصفي قلوبها
تعمل ما تكل
قبال مصيبة سوبا
بيهم ما تحل
أصل الحياة المطلوبة
ماها سماح اكل
الناس ما تسمح توبها
تزدان فى الشكل
جوة النفوس مخروبة
والوجدان ثمل
تبقى التجارة ألعوبة
فى إيدين طفل
****
الدنيا ربنا زانها بأجمل صفات
صدق وعفاف وأمانة لينا مكملات
حكم لها الميزان قياس ومواصفات
أتقن منازل القمرة تغرب أو تهل
****
وصونا نرعى عهودنا فى البيع والشرا
نحفظ قوانين الشرع يا أخوانا ليه بنكسرها
****
ما ننشغل بالدنيا وننسى الآخره
تصبح حياتنا كئيبة والوجدان وجل
****
أضبط موازينك .. نضف مواعينك
ارع الله فى كل شى فى البينو والبينك
لو كنت فى الدكان الدقة فى الميزان
الكفة والميزان ارعاها بعينك
لو ما بتخاف من زول من الله أبقى خجل
****
نجود صناعتنا تربح تجارتنا
الجودة كم أو كيف
ديباجة ظاهرة تكون
مافيها غش لا زيف
السلعة جات من وين
المدة والتعريف
دى مواصفات .... دى مواصفات
لو فى الشتا أوصيف
كانت مخزنة كيف
نهتم بالتغليف
ماعونا يبقى نضيف
لو فى مدن أو ريف
كان لحمة وللا .. رغيف
دى مواصفات ... دى مواصفات
****
ما تلقى فوق الرف
كل البضائع صف
زى دفتر الإرشيف
العلبة ما تنضف
والورقة تتقرف
سايل عليها نز يف
هوالتاجر المرهف
بضاعتو مابتتلف
وسريعه فى التصريف
كل النفوس ترضى
نتفك من مرضة
كانت علينا حمل
ليست هناك تعليقات:
إرسال تعليق